Be Earth Friendly - еТвининг проект

Оваа учебна година, учениците од 6-то и 7-мо одд. од ООУ „Ѓорѓи Сугарев“ Битола беа  активно вклучени во етвининг проектот Be Earth Friendly со ученици од 4 други партнер држави: Тунис, Јордан, Хрватска и Шпанија. Главна цел на проектот е да ја подигне свеста и да ја поттикне одговорноста за заштита на почвата а со тоа и за Земјата и иднината на човештвото. Преку заеднички активности, проектот поттикна преземање важни мерки за изнаоѓање решенија за загадувањето на почвата, подобрување на одржливоста на почвата и обезбедување одржлива земјоделска продуктивност според Целите за одржлив развој.

Нашите ученици работеа во 5 меѓународни групи, именувани по компонентите на почвата, на креативен, уметнички и иновативен начин. Колаборативните активности беа дигитални и реални: независно истражување на темата, изработка на колаборативен Водич за рециклирање: од загадувачи на почвата до уметнички дела, кои може да се користат за да се инспирираат други. Резултат на овој проект беа извонредни уметнички дела рачно создадени од ученици до заеднички виртуелен музеј и кампањи за чистење и засадување дрвца во нивните училишта и населби.

Од нашето училиште беа вклучени учениците од 6то одделение:  Андреа Николовска, Анастасиа Ѓоргиева, Санка Јашаровска, Арзије Канановска, Мила Ристевска и од 7мо одделение: Рисима Ристоска, Христијан Јошевски, Александра Србиновска, Јован Василевски, Мартин Милевски, Христијан Јошевски, Дамја и Леона Дамјаноска.

еТвининг Ден 9-ти Мај 2024

 Под мотот „Ајде да прославуваме заедно“ , учениците од 6то одделение се приклучија кон иницијативата за одбележување на 9ти Мај Денот на еТвининг и Денот на Европа. Ученциите реализираа заедничка активност со други ученици од повеќе држави од Европа вклучувајќи се во претходно најавен настан со даден код. Оваа активност наиде на голем интерес од страна на учениците.

Кодираме со #EUCodeweek ресурси

Учениците од 6то одделение изработуваa едноставни програми со редоследна структура и користea готов ресурс од EUCodeweek ресурси за ученици. Тие го анимираат своето име, името на нивното милениче, име на омилено животно и сл. Kодираат во Scratch и се забавуваа. Благодариме #EUCodeweek! Ова се дел од нивните проекти.

еТвининг проект Let's be friends

ДОДЕЛЕНИ СЕРТИФИКАТИ НА УЧЕНИЦИТЕ

На огромно задоволство на сите партнер училишта од Турција, Србија, Португалија, Романија, Полска, Шпанија и Северна Македонија, успешно го завршивме етвининг проектот Let’s be Friends. Денес беа доделени сертификатите на учениците од 6то оддделение кои учествуваа во реализацијата на проектните активности во овој проект. Пред своите соученици, учениците учесници во проектот најпрво ги презентираа проектните активности и споделија што беше за нив најинтересно во овој преокт. Овој настан беше мотивација и поттик и за сите други ученици кои во иднина ќе се вклучат во следни етвининг проекти.

                                                     М-р Оливера Шиклеска-Грозданова,

                                                        етвининг амбасадор

 

Ден на безбеден Интернет -7ми Февруари 2023

 Учениците од ООУ „Ѓорѓи Сугарев“Битола, како и претходните години, активно се вклучија во одбележување на Денот на безбеден интернет. Оваа година на 7ми Февруари 2023г., учениците од нашето училиште реализираа неколку различни активности со цел подигнување на свеста за безбедност на Интернет. 

Имено, учениците од 6то одделение, најпрво преку презентација се запознаа со правилата за безбедно користење на Интернетот, потоа користеа  апликација за учење за да определат кое е правилно однесување на Интернет. Потоа  имаа можност да споделат свое мислење на linoit табла за споделување. Особено интересен им беше Kahoot квизот  каде што учениците иаа можност да ги проверуваат своите знаења.

Let's be friends

Од декември 2022г., со учениците од 6-3 започнавме нов етвининг проект Let’s be friends, 
во кој се вклучени училишта од Турција, Србија, Полска, Романија, Шпанија и Португалија. 
Овој проект е проект е за пријателство. Целта е да се подобруваат колаборативните и јазичните 
вештини на нашите ученици преку комуникација и соработка со ученици - пријатели 
од други земји. 
Во наредниот период до април 2023 г. предвидени се повеќе различни активности. 
Учениците ќе користат веб2.0 дигитални алатки и апликации за креирање на презентации, 
видеа, песни и ќе имаа активна улога во текот на целиот проект. Учениците ќе имаат 
онлајн средби на различни теми. Нивното внимание ќе го насочиме кон природата и подигнување 
на свеста за  важноста за здраво живеење. Безбедно користење на интернет е исто така, една од
 главните цели на нашиот проект. 
Откако родителите потпишаа согласност за учество на нивните деца во проектот, 
започнавме со првите активности:
-онлајн состаноци на наставнците од училиштата вклучени во проектот
- креирање видео презентација на училиштето 
-креиравме постер на проектот
-креирање лого на проектот и избор на официјално лого на проектот
-креирање аватар и претставување на учениците преку анимација
- анкета за гласање за лого
- креирање етвининг корнер и табла на проектот
- Креирање на падлет за заедничко споделување на активности
-учество во снимање на заедничка песна со учениците од сите земји 
-креирање на блог за проектот https://etwinningprojectletsbefriends.blogspot.com/

  

Етвининг проект „Ако бев боја, ќе бев плава затоа што...“

По повод 3ти декември- меѓународниот ден на Лицата со попреченост, ученици активни етвинери од 6то одделение се вклучија во етвининг проект  „Ако бев боја, ќе бев плава затоа што...“ и со свои креативни проекти се вклучија во одбележување на овој ден. Целта е да се подига свеста кај учениците за нивните соученици со попреченост,  да учат да ги гледаат различностите како придобивки бидејќи богатството на една средина се согледува преку различноста.