Историски развој на компјутерите

 

Презентација за историскиот развој на компјутерите

QRкод за временска лента - учениците можат да поставуваа слики и да внесат карактеристики на поважните откритија од кои може да се воочи брзиот развој на компјутерската технологијаат.

Едукативна игра на следниот QR код

ЕДУКАТИВНА ЛЕГО РАБОТИЛНИЦА

 

По повод Денот на училиштето, на ден 02.04.2025г.  на наша покана и наше големо задоволство, со учениците од шесто одделение бевме домаќини на ученици-членови од ЕДУ Академија, млади ЛЕГО инжинери со нивниот Лего едукатор Тања Стојковска.

Секој час преставува нова авантура и потик за учење на нови вештини!

Од мали нозе кон големи достигнувања - вештини на иднината се развиваат со помош на Лего едукација.

Деца кои преку игра истражуваат научни принципи, стануваат сигурни во своите способности и потенцијали и повеќе се спремни за предизвиците во иднината!

       Благодарност до членовите на ЕДУ Академија и нивниот Лего едукатор Тања Стојковска за прекрасната презентација и демонстрација на ЛЕГО модели.

 

 

 

 

 

 

 

 

 

 

 

 

 

 

 

ДЕН НА БЕЗБЕДЕН ИНТЕРНЕТ 2025

 

Be Earth Friendly - еТвининг проект

Оваа учебна година, учениците од 6-то и 7-мо одд. од ООУ „Ѓорѓи Сугарев“ Битола беа  активно вклучени во етвининг проектот Be Earth Friendly со ученици од 4 други партнер држави: Тунис, Јордан, Хрватска и Шпанија. Главна цел на проектот е да ја подигне свеста и да ја поттикне одговорноста за заштита на почвата а со тоа и за Земјата и иднината на човештвото. Преку заеднички активности, проектот поттикна преземање важни мерки за изнаоѓање решенија за загадувањето на почвата, подобрување на одржливоста на почвата и обезбедување одржлива земјоделска продуктивност според Целите за одржлив развој.

Нашите ученици работеа во 5 меѓународни групи, именувани по компонентите на почвата, на креативен, уметнички и иновативен начин. Колаборативните активности беа дигитални и реални: независно истражување на темата, изработка на колаборативен Водич за рециклирање: од загадувачи на почвата до уметнички дела, кои може да се користат за да се инспирираат други. Резултат на овој проект беа извонредни уметнички дела рачно создадени од ученици до заеднички виртуелен музеј и кампањи за чистење и засадување дрвца во нивните училишта и населби.

Од нашето училиште беа вклучени учениците од 6то одделение:  Андреа Николовска, Анастасиа Ѓоргиева, Санка Јашаровска, Арзије Канановска, Мила Ристевска и од 7мо одделение: Рисима Ристоска, Христијан Јошевски, Александра Србиновска, Јован Василевски, Мартин Милевски, Христијан Јошевски, Дамја и Леона Дамјаноска.

еТвининг Ден 9-ти Мај 2024

 Под мотот „Ајде да прославуваме заедно“ , учениците од 6то одделение се приклучија кон иницијативата за одбележување на 9ти Мај Денот на еТвининг и Денот на Европа. Ученциите реализираа заедничка активност со други ученици од повеќе држави од Европа вклучувајќи се во претходно најавен настан со даден код. Оваа активност наиде на голем интерес од страна на учениците.

Кодираме со #EUCodeweek ресурси

Учениците од 6то одделение изработуваa едноставни програми со редоследна структура и користea готов ресурс од EUCodeweek ресурси за ученици. Тие го анимираат своето име, името на нивното милениче, име на омилено животно и сл. Kодираат во Scratch и се забавуваа. Благодариме #EUCodeweek! Ова се дел од нивните проекти.

еТвининг проект Let's be friends

ДОДЕЛЕНИ СЕРТИФИКАТИ НА УЧЕНИЦИТЕ

На огромно задоволство на сите партнер училишта од Турција, Србија, Португалија, Романија, Полска, Шпанија и Северна Македонија, успешно го завршивме етвининг проектот Let’s be Friends. Денес беа доделени сертификатите на учениците од 6то оддделение кои учествуваа во реализацијата на проектните активности во овој проект. Пред своите соученици, учениците учесници во проектот најпрво ги презентираа проектните активности и споделија што беше за нив најинтересно во овој преокт. Овој настан беше мотивација и поттик и за сите други ученици кои во иднина ќе се вклучат во следни етвининг проекти.

                                                     М-р Оливера Шиклеска-Грозданова,

                                                        етвининг амбасадор