По повод 3ти декември- меѓународниот ден на Лицата со попреченост, ученици активни етвинери од 6то одделение се вклучија во етвининг проект „Ако бев боја, ќе бев плава затоа што...“ и со свои креативни проекти се вклучија во одбележување на овој ден. Целта е да се подига свеста кај учениците за нивните соученици со попреченост, да учат да ги гледаат различностите како придобивки бидејќи богатството на една средина се согледува преку различноста.
Во периодот од 8ми до 23ти Октомври 2022 се организира
Европската недела на кодирањето со цел да се промовира кодирањето и дигиталната
писменост кај учениците на забавен и интересен начин. Под мотото КОДИРАЊЕТО Е ЗА
СЕКОГО, со низа активности, ООУ „Ѓорѓи Сугарев“ Битола активно се вклучи во
одбележување на 10годишнината на Европската Недела на кодирање. Вкупно 120 ученици од прво до деветто одделение и 12 наставници
реализираа различни настани и активности. Задоволството кај учениците беше
големо и покажаа интерес за вклучување во идни вакви настани. На крајот сите
учесници, ученици и наставници добија сертификат за учество. Благодарност до сите наставници кои со своите
ученици ја поддржаа оваа иницијатива и беа дел од овогодинешните настани.
12.10.2022
Вкупно 22 учениците од 9то одделение со наставничките
Оливера Шиклеска-Грозданова и Биљана Темелкова креираа едноставни scratch
проекти на тема Роденденска забава CODEWEEK
13.10.2022
На тема 10ти роденден CODEWEEK учениците од 6то одделение со наставничките Марика
Лазовска Целакоска и Марија Силјановска се запознаа со микробитот и креираа
едноставни микробит проекти
Вкупно 36 ученици од 7мо одделение со наставничките
Жаклина Гиновска и Јасминка Секулова беа вклучени во час за кодирање со Minecraft
Adventurer
14.10.2022 год.
Учениците од прво одделение со наставничката Невенка
Иванова-Толеска реализираа креирање цртежи преку pixel art
Во настанот Кодираме и се забавуваме беа вклучени 13
учениците од второ одделение со наставничката Виолета Момчиловска
Настанот Среќен
10ти роденден CODEWEEK го
реализираа 23
учениците од трето одделение со наставничките Сунчица
Бендевска и Елена Штраклевска Мицевски
Учениците од четврто одделение со наставничките Наташа
Тодоровска и Билјана Рахманова Тасева креираа едноставни микробит проекти
20.10.2022
На тема Кодираме во природа учениците 12 ученици од 8то
одделение со наставничките Сузана Ристевска и Фросина Јанкоска беа во посета на
Националниот парк Галичица каде реализираа активности со микробитот и креираа едноставни
микробит проекти: мерење на температура на воздухот, броење на чекори и др.
25.10.2022
Роденденска забава – доделување сертификати на учесниците
кои беа дел од Европската недела на кодирање
Извештајот го подготвил:
М-р Оливера Шиклеска-Грозданова
Наставник по информатика
Учениците од 6то одд. со свои Scratch проекти се приклучија кон одбележување на 5ти Јуни Денот на планетата земја. Под покровителство на Обединетите нации, овој ден започнал да се одбележува во 1972 година и оваа година се точно 50 години одбележување. Оваа година мотото е Only One Earth.
Во организација на Народна техника на 04.05.2022 год. се одржа 59-ти Регионален натпревар за млади техничари и природници. Од нашето училиште под менторство на наставничката по информатика М-р Оливера Шиклеска-Грозданова во областа Компјутерска техника ученичката Матеа Ристевска од IX-то одд. со проектот Примена на микробит при мерење на загадувањето на воздухот го освои првото место и во областа РОБОТИКА ученикот Стефан Ристевски со проектот Китроник Мотор и навигација со микробит го освои првото место. Честитки!
Како продолжение на минатогодишниот
еТвининг проект Ткајачи на животот 1, девет ученици од 8-мо и 9-то одделение оваа
година активно се вклучија во еТвининг проект Ткајачи на животот 2 посветен на
Меѓународниот ден на толеранцијата 16-ти Ноември. Цел на проектот
беше да
се користат убави зборови во комуникацијата, бидејќи само на овој начин
учениците прераснуваат во здрави и позитивни луѓе кои шират емпатија.
Преку овој проект беа постигнати следниве
задачи развој на човечки вредности
и етика кај децата, зајакнување со примери на
добро однесување, Презентација на начини на
добра комуникација, поттикнување на размислување за важноста на
убавото и културното однесување, развој на ИКТ вештини; креативно размислување, уметност и јазични
вештини; меѓупредметно поврзување на наставните содржини и сл.
На почетокот на проектот,
училиштата вклучени во проектот се претставуваа и се запознаваа учениците –учесници
во проектот. Потоа се договараа различните активности кои се реализираа во
рамките на проектот. Од октовмри до мај се реализираа следниве активности:
Испраќање пораки со Браева азбука, Презентација – креирање на ланец на толерантни
зборови, Инклујзивна активност по повод денот на детето 20 Ноември, Божиќни
честитки, Розеви маици, Ден на шарени чорапи за деца со даунов синдром и сл.
Учениците ао задовослство
учествуваа во различните креативни активности и користеа различни ИКТ алатки
како Canva, WordArt, SonyVegas, Youtube, …Учениците учеа, размислуваа, истражуваа,
соработуваа, разменуваа идеи и сите се согласивме дека овој проект е многу
важен и стимулативен. Уживаа во сите активности, развивајќи креативни
уметнички и дигитални вештини и потврдија дека проектот ги исполни нивните очекувања.
